Lífið gæti ekki verið einfaldara þegar þú þarft að hlaða Jaguar-bílinn þinn. Hér er allt sem þú þarft að vita um hvernig þú færð næga raforku á hverjum degi.
KENNSLUMYNDBAND UM HLEÐSLU
Kynntu þér hvernig þú hleður Jaguar-rafbílinn eða -tengiltvinnbílinn (PHEV) þinn.
HLEÐSLUTENGI
Til að tengjast hleðslustöð notar Jaguar-rafbíllinn þinn CCS-hleðslutengi. Það er samhæft við minni riðstraumshleðsluhraða og í völdum gerðum við hraðhleðslustöðvar með jafnstraumi. Sumir bílaframleiðendur nota önnur hleðslukerfi, til að mynda chademo. Þessi kerfi eru minna notuð á hleðslustöðvum og eru ekki samhæf við Jaguar-rafbílinn.
RIÐSTRAUMSHLEÐSLA
Efri hluti CCS-hleðslutengis bílsins er notaður fyrir riðstraumshleðslu (allt að 7 kW). Tengin sem passa í þetta kallast tengi af tegund 2 og eru samhæf við heimahleðslustöðina, almennar riðstraumshleðslustöðvar og rafmagnsinnstungur.
HRAÐHLEÐSLA MEÐ JAFNSTRAUMI
Á neðri hluta CCS-hleðslutengisins á völdum gerðum eru tveir pinnar sem sameinast þremur pinnum að ofan til að skila hraðhleðslu með jafnstraumi (allt að 50 kW) sem er yfirleitt að finna við þjóðvegi og hraðbrautir. Hægt er að komast að tveimur neðri pinnunum með því að fjarlægja neðri hlíf tengisins.
HLEÐSLUSNÚRUR
HLEÐSLUSNÚRA FYRIR ALMENNAR HLEÐSLUSTÖÐVAR OG HEIMAHLEÐSLUSTÖÐVAR (GERÐ 3)
Hleðslusnúra af gerð 3 tengir bílinn við heimahleðslustöðvar og almennar hleðslustöðvar með riðstraumi. Hún er með tengi af gerð 2 báðum megin og er fimm metrar á lengd.
Hleðslusnúrur af gerð 3 fylgja með Jaguar-bílnum.
Hleðslusnúrur af gerð 3 fylgja með Jaguar-bílnum.
HLEÐSLUSNÚRA MEÐ HEIMILISKLÓ (GERÐ 2)
Hleðslusnúran af gerð 2 er aukabúnaður sem tengir bílinn við heimilisinnstungur með tengi af tegund 2 á öðrum endanum og kló á hinum. Snúrur af gerð 2 eru fimm metrar á lengd.
Hleðslusnúrur af gerð 2 eru aukabúnaður sem fylgir ekki með Jaguar-bílnum en hægt er að kaupa sérstaklega.
Hleðslusnúrur af gerð 2 eru aukabúnaður sem fylgir ekki með Jaguar-bílnum en hægt er að kaupa sérstaklega.
FÖST DC-HRAÐHLEÐSLUSNÚRA
DC-hraðhleðslusnúra er alltaf föst við almennar hleðslustöðvar við þjóðvegi og hraðbrautir svo óþarfi er að nota eigin snúru.
SNJALLSÍMAFORRIT SEM MÆLT ER MEÐ
Þú færð skjótan aðgang að helstu stýringum og búnaði bílsins hvenær sem þörf er á með forritunum Jaguar iGuide og Jaguar Remote1.
FORRITIÐ JAGUAR IGUIDE: LEIÐBEININGAR Í BÍLNUM Á FERÐINNI
Með Jaguar iGuide-forritinu1 er auðvelt að finna og skilja helsta búnað og stýringar Jaguar-bílsins. Í því er einnig handhæg eigandahandbók sem tryggir að þú fáir alltaf skjót svör við spurningum þínum.
FORRITIÐ JAGUAR REMOTE: STJÓRNAÐU BÍLNUM HVAR SEM ÞÚ ERT
Með Jaguar Remote-forritinu1 hefurðu fulla stjórn á búnaði bílsins gegnum símann. Hægt er að stjórna fjarstýrðri læsingu, sjá eldsneytisstöðu og hleðslutíma og stilla loftkælingu með því að ýta á hnapp.
HUGVITSSAMLEG HLEÐSLA HEIMA VIÐ
Auk þægindanna og sparnaðarins sem felast í heimahleðslustöð sem fagaðili setur upp eru til nokkrar snjallar leiðir til að gera upplifun þína af að eiga rafbíl enn betri á hverjum degi.
SKIPTU Í HLEÐSLU UTAN ÁLAGSTÍMA OG ENDURNÝJANLEGA ORKU
Gjaldskrár bjóða yfirleitt upp á lægra verð fyrir raforkunotkun utan álagstíma, á nóttunni, sem er sérstaklega hugsað fyrir eigendur rafbíla. Það þýðir að þú getur hlaðið bílinn heima hjá þér á hagstæðu verði og á þægilegan máta.
Nú þegar margir söluaðilar bjóða líka upp á endurnýjanlega orku er það einnig enn sjálfbærara en áður.
Nú þegar margir söluaðilar bjóða líka upp á endurnýjanlega orku er það einnig enn sjálfbærara en áður.
SKIPULEGGÐU HLEÐSLUTÍMA ÞINN
Ef þú stingur bílnum í samband yfir nótt eru hleðsluvenjurnar einfaldar og auðvelda þér að nýta þér lægri raforkugjöld sem margir söluaðilar raforku bjóða. Með því að nota „ráðlagðan hleðslutíma“ í bílnum missirðu aldrei af þessum tímaglugga fyrir lægri raforkugjöld utan álagstíma.
Ef þú vilt setja upp ráðlagðan hleðslutíma skaltu sækja forritið iGuide hér fyrir neðan og leita að „vehicle charging“ (hleðsla bíla).
Ef þú vilt setja upp ráðlagðan hleðslutíma skaltu sækja forritið iGuide hér fyrir neðan og leita að „vehicle charging“ (hleðsla bíla).
HÁMARKAÐU DRÆGIÐ MEÐ FORSTILLINGU HITASTIGS
Með forstillingu geturðu hitað eða kælt farþegarýmið og rafhlöðuna á meðan Jaguar-bíllinn er í hleðslu. Þá er rafhlaðan í sambandi við rafmagn og bíllinn sparar orkuna í rafhlöðunni til að hámarka akstursdrægið.
Ef þú vilt setja upp forstillingu hitastigs skaltu sækja forritið iGuide hér fyrir neðan og leita að „preconditioning“ (forstilling hitastigs).
Ef þú vilt setja upp forstillingu hitastigs skaltu sækja forritið iGuide hér fyrir neðan og leita að „preconditioning“ (forstilling hitastigs).
FREKARI AÐSTOÐ
HLEÐSLA HEIMA VIÐ
Heimahleðslustöð sem fagaðili setur upp er einfaldasta, hentugasta og hagkvæmasta leiðin til að hefja hvern dag með fulla hleðslu á bílnum.
HLEÐSLA Á HLEÐSLUSTÖÐ
Þú finnur allar upplýsingar um hleðslu Jaguar-bílsins að heiman, allt frá hleðslutíma til greiðslumáta.
UPPSETNING
Til að nýta lykileiginleika og -búnað bílsins sem best er fyrsta skrefið að tengjast upplýsinga- og afþreyingarkerfinu og setja upp fjarstýringar í snjallsíma.
AKSTURSSTILLINGAR TENGILTVINNBÍLS (PHEV)
Kynntu þér stillingar sem gera þér kleift að aka tengiltvinnbílnum þínum ýmist á rafmagni eða bensíni.
HÁMARKAÐU LÍFTÍMA RAFHLÖÐUNNAR
Fylgdu þessum einföldu ráðum til að halda rafhlöðunni skilvirkri og endingargóðri.
1Aðeins samhæfir snjallsímar. Ræðst af farsímakerfi á markaði, sendistyrk og reikningi viðskiptavinar. Krefst farsímagagna eða Wi-Fi tengingar.